الســــــــــــلام عليكـــــــــم...
خلونا نستعرض اهم الاحداث اللي تصير للشباب <قبل> العيد و <بعده>
][عند الخياط][
لازم كل تمساح يستلم ثوبه الجديد بليلة العيد ,, لان كل التماسيح مايتذكرون انهم مافصلوا ملابس الا بآخر لحظة..
و طبعا ليلة العيد .. تنقضي عندهم بالهواش والمطاقق مع الخياط عشان يخلص الثوب
وحالتهم حالة ... لو توقف عند باب الخياط .. ماتشوف غير اثواب تتطاير وتتحذف .. واللي يصرخ ويقول هذا ثوبي يا (تسلب) وراك عفطته .. والثاني ينشق حلقه وتطلع بلاعيمه ويناشق لان عزوز اخذ ثوبه بالغلط ..
وعبود ماسكن صويلح من رقبته عشان يتأكد ان اسم صويلح مكتوب على الورقة المعلقة برقبة الثوب ..
و (مناحي) منسدح من القهر على بطنه لان ثوب ولد عمه سلوم طلع اطول من ثوبه ..
واللي (يصن) الخياط ببقس على دميحته لانه طالب قماش زبدة والخياط مفصل له ثوب من خامة تريكو ...
وماجد تطقه البوهة و يكتشف ان ثوبه مهوب لماع .. ويطيح الثوب بكبده لانه مخطط يلمع كل شي فيه الا وجهه يصير مطفي هع هع ...
][في الحلاق][
تشوف الشباب صافين بالدور مثل طابور مخبز ..
بس من جد حالتهم تقطع القلب ..
واحد يجره ابوه من كشته تقـول (نعيمية )
واللي مايبي الحلاق يحلق له بموس لان الصلعة حزتها بتلمع ..واللي فاتح لî5 عزا و يباغر عند الباب .. لان طالعه له حبة ام راس اسود بنص خشمه ..
و ابوبندربعد حيي والله جاي يصبغ هالشعرتين اللي براسه ....
و دحووم ينتظر دوره عشان يضبطون له حواجبه بالخيط ...واللي يبسط بالحلاق للفجر .. وهات يا صنفرة و سمكرة ...
واللي يدرعم بدون احم ولا دستور والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي صافطه وراه ..
واللي ينجلط الا اكتشف ان السكسوكة اختربت... واللي يلعن الحلاق لانه قص له مارينز بالغلط ..
واللي جاي يزرع
وما خفي اعظم ..
][صباح العيد][
ماغير تسمع اصوات تشقيق اكياسبلاستيك <<< اصوات اكياس الفنايل الجديدة..ماركة (الاصيل ) ..
وعبدالمجيد يتهاوش مع (منيرة) اخته ويبي يتروش قبلها ...
وكلن يتروش بذمة و ضمير ويلعن اسلاف الليفة بالصابون ويقعد يفرك بها الين يلمع ويلق ويعرف ان الله حق ..
واللي حاب يكشخ ببدلة و يخنق روحه بالكرفتة المقلمة ولابس طاقية زري
واللي تحرق الشغالة شماغه..
وبعدين يرتفع صوت الصراخ لان الاستشوار حق مزنة احترق... ولازالت كشة مهند واقفه و تسبح لربن خلقها
واللي يتدرب شلون يصب القهوة للرجاجيل في المجلس ..
واللي يصيح و مضيع بوكه الجديد بولمعة واللي خرب طقم الكبكات الفضة حقه
واللي منزل الشماغ على جيب الثوب اللي على الصدر..لانه شارب حليب نياق من الصبح وتوصخ ثوبه.وشغالتهم هاوشته ومارضت تكوي له ثوب غيره
وغيره محتار ومايعرف يختار نسفة لشماغه
][برى البيت][
سعيدان ..قائلا : اهبببببببببب يا محمد شف نوير بنت عمي اللي ماتستحي ماهيب لابسة بنطلوون ومطلعتن كراعينها وسعيدان يرد عليه ويقول له .. استح .. هي لابستن هيلاهوب بيج ...
و فيصل قاعد يحش بخلق الله مع خويه طلال ويقول له ::رحمت عقال بدر اللي حاشي فيه صماخه..اللي يشوفه يقول شاريه من بسطه في الاحساء
وطلال يرد عليه و يقول له ترى بدر يهون عن صالح اللي كاشخ بثوب ابيض ثلجي .. لاحظ سرواله الاصفر لا مد رجوله...
واللي يتهاوشون على الطراطيع ... واللي مطنقر وماد البوز مترين لان خاله جحده ولا عطاه عيدية
وبعد ماتصير الساعه 8 ...
تلاقي نص الشباب بالثمامة..هات يا تفحيط و تقحيص
... و الزحمة تصير عند شواية الخليج
و
و هذا غيض من فيض
عاد ان كان عندكم شي ما ندري عنه حطوهـ خخخخخخخخخ
منقووووووووووول لمعرفه حقائق الشبااااااااب هههههههه
